煙肉炒薯條

剩餘一份煙肉一個薯仔

炒埋一碟又幾好味喎

雙花南瓜湯

今次利用豆槳機整咗一個湯

**  西蘭花椰菜花南瓜湯 **

我好鍾意飲呢類忌廉湯
 

不過憎肥所以走咗忌廉喇

選用玉米汁功能只須十多分鐘

[  雙花南瓜湯 ]

煙肉豆角炒飯

發現呢個小包裝的煙肉

兩份獨立包裝好方便

一份剛好一人份量用來炒飯

準備材料

唔使落油啦

煙肉先煎香出油

利用煙肉油煎半只蛋

再落豆角和飯炒熟

每樣一點點炒埋已經一大碟足有一碗半飯

一個小女子的一餐非常足夠啦

忍不住手

又放咗啲蝦皮添

煙肉豆角蝦皮炒飯

小食

[ 沙葛 ]

富含植物性蛋白質、

澱粉、維生素、礦物質和纖維、

有清涼祛熱、生津解渴、解酒毒的作用


沙葛生 / 熟食法都爽脆可口

今日用來弄點小食

一個沙葛  +  雲耳  +  杞子



全部材料灼熟

加點自已喜歡的醬料

最後洒上蝦皮

我只加了少少米醋

自然地帶出了各種食材的特性

沙葛爽脆多汁

雲耳軟滑杞子帶甜

仲有蝦皮的咸鮮

一層層的剌激著味蕾

自制魚湯冰粒

差不多每星期都會有免費魚獲供應

每次都會超過一斤

大條嘅就清蒸

細條的全部做魚湯冰粒

今次就煎香三條留起做晚餐



斤幾魚熬得約半公升湯



加水再熬湯色還好奶白色



最後得魚湯一大碗



做咗一大兩小膠盒

放冰格慢慢享用

臭草綠豆糖水

一直想煲綠豆沙
但找不到臭草
最近無意中在街市見到
立即買回來煲臭草綠豆沙

用豆漿機煮好快手
選用八寶糊功能
二十多分鐘搞掂

 

豆漿機打得太幼細
好像食糊仔
無咗粒粒口感
下次要減打碎時間

黑豚餃子的晚餐

呢款黑豚餃子幾好味
一包可分兩次食剛好

加點少辣的XO醬
滋味滿足

 

生日快樂

今年係第二年
在這片園地上過生日
日子雖然特別
辛亥革命100週年
從前會在此時旗海飄揚
在調景嶺景象更甚高興
但近年來已經漸漸冷淡下來



今年令我好感動的
有心的芹菜
早早已經為我做咗蛋糕
衷心感謝素未謀面的妳

昨日好友送我壽桃
每年她都費心勞神的
又係令我好感動窩心

至於家人已於上星期飯聚



再次感謝我身邊的每一位
每天愛您多一些