石榴雞湯 / 特飲

糖尿病

要限制澱粉質和脂肪糖分的吸收

太甜的生果不宜食

一些有酸澀味的生果反而對糖尿病人有益

其中番石榴和葉片都有明顯降血糖作用

市面上有葉片茶包可以泡茶飲



今次用石榴煲雞給老媽

石榴兩個

雞身一個

有機芫茜湯

一有時間
就會在相熟的店舖
聚集打釘吹水
交流健康知識

那店有售有機蔬菜及
優質雞豬肉類魚等

個日店家送我兩把芫茜兩棵羅馬生菜

有機芫茜非常新鮮
青綠而畢直
枝條呎幾長

剛啱大王和太王都有些熱氣
(無飯夫妻的結果)





祗用薑起鑊
下熱水滾幾分鐘就得喇




從前小孩時期好難接受
芫茜獨特的氣味

近幾年才轉變識得欣賞
它那特別的香氣

唔知係咪有機菜特別香甜嘅呢
愈嚼愈甜   愈嚼愈好味



每人一大碗

 

 

 

 

黑椒豬手魚翅湯麵

 

買咗一隻連骨嘅黑椒豬手
起肉後嗰舊骨頭用來煲湯
摷雪櫃有包急凍魚翅群喎
都唔知係咪魚翅或素翅嘞
快快消滅佢之後就會以後
同佢絕交

 

上面嗰碗係用咗魚翅做湯底
特別之處係加咗海燕窩
使得呢個湯濃郁黏厚
再加大量芽菜
唔.....好味




以下嗰碗係清湯黑椒豬手麵
係特別為大王整嘅
清清地都唔錯啦

 

海燕窩羹

海燕窩嘅豐富膠原蛋白

上篇已經介紹過

今日就用來煮一道鹹食湯羹

送給未能品嚐甜美之味的媽媽

海燕窩浸發後利用小小切割機幫助

拍打一會就切成碎粒粒

加入紅蘿蔔絲顏色會好吸引

材料全部下鍋煮滾最後打散雞蛋隨隨落下立即熄火




不到 30 分鐘就可盛載一壺送過去了

呢款海燕窩湯羹非常悅目

冬瓜祛濕湯

小暑剛過天天高溫
星期日就係大暑啦
煲多兩次冬瓜祛濕湯先

冬瓜湯現在最啱煲祛濕料
加片鮮荷葉濃濃清新荷香
平日就煲冬瓜薏米蜜棗水
利水瘦身嘛就在這個夏天

 

 

 

菜乾湯

收到家鄉自家曬制的菜乾

隨便加些配料煲湯

簡單材料

煲出清甜潤澤

補肺護喉的



甘露

 

瑤柱金蟲草海玉竹煲豬展湯

近年尾海味大賣

鬧哄哄的也買了一些

近期多在外用膳

煲湯煮餸好像有點生疏了

左想右想都拿不定煲甚麼湯水

咁就拿些新買材料煲咗呢個湯

瑤柱金蟲草海玉竹煲豬展湯

其實主要煲給兩老飲用   ~~~    哈哈 !  

媽說湯甜味美   ^~^   爸估是羊肉湯  >!<

 

紅 -- 紅菜頭薯仔紅蘿蔔素湯

[  紅色 ]

蕃茄, 紅蘿蔔, 紅菜頭等

蔬果中的紅色素能協助肝細胞再生

紅菜頭更被譽為婦女補血佳品

除了有補血, 排毒, 防癌的功效

而所含的粗纖維能促進腸蠕動

紅菜頭的錳可與鐡合成肝臟細胞的養份

其它維生素,礦物質等更可預防骨質疏鬆

平衡酸性體質

[  紅菜頭薯仔紅蘿蔔素湯 ]

紅當當的湯, 除咗外出飲過的羅宋湯外

呢個紅菜頭我都係第一次買來試下

洗切時都幾驚嚇

不過咁有益梗要試下啦

簡易清補涼

光波效應

上星期

整咗一斤光波腰果

無油香脆好食到唔停口

呢兩日喉嚨乾乾涸涸的

秋季又要急救啦

煲個清補潤澤的湯水

淮山  沙参  海玉竹  茨實   薏米  無花果

再加些蓮子百合瘦肉

天氣乾燥飲番啲滋潤湯水或糖水

滋潤肌膚之餘

人都唔會咁容易發脾氣

雙花南瓜湯

今次利用豆槳機整咗一個湯

**  西蘭花椰菜花南瓜湯 **

我好鍾意飲呢類忌廉湯
 

不過憎肥所以走咗忌廉喇

選用玉米汁功能只須十多分鐘

[  雙花南瓜湯 ]