2012年1月27日 星期五

恭喜發財 !


恭喜發財  !   花開富貴  !




龍年到了  !!

祝願各位龍馬精神  :>O^^^^^^.<

人人龍騰虎躍  !  步步高陞  !  萬事勝意  !  恭喜 !  恭喜 !

今日已經是年初五啦....

我由年廿五開始放新年假期

不過年廿五, 廿六還要返公司做埋啲手尾

正確嚟講是年廿七才開始放假

年廿九到花墟買年花





可能今年比往年遲咗去花墟

所以只能買到一些較遜的水仙





可能趕不及盛開來迎接龍年

不過我都無所謂啦

好開心年初二已經開了兩朵小花了

 



今年唔買糖果改為自家制腰果及薄脆

 



買咗一箱車厘子過年





係上個月換咗部 3D 電視機





年初一食過團拜晚飯後就到我家玩遊戲





十多人戴上眼鏡睇亞凡達好不熱鬧



在此再祝各位新年快樂 !!




11 則留言:

  1. 要戴眼鏡看电視会比較麻煩, 不過 10 多人一起戴又幾有趣, 再賀新的一年萬事如意
    [版主回覆01/28/2012 00:10:05]多謝阿蘇 !
    3D 電視有兩種, 配合的眼鏡也分主動式及被動式, 我們是被動式的戴上看久了也不易攰的 ....

    回覆刪除
  2. 新年快樂! 我朋友買3D電視送埋3D相機, 我試用過相機, 幾得意, 3D電影我就麻麻! 今年新年好多車厘子賣, 我都有買呀! 祝你們新一年甜甜蜜蜜 !
    [版主回覆01/28/2012 11:54:53]王姐安康 ! 王妹祝您年年有餘, 歲歲歡樂 !
    我們有送藍光機呀 ! 又有手指及十幾對眼鏡添 , 不過 3D 電影我都係麻麻地 , 只有大王視為極品啫....

    回覆刪除
  3. 新年好! 祝您部電視襟睇唔會壞!
    [版主回覆01/28/2012 11:57:35]早晨 ! 宜家啲電器真係唔多襟架, 我上一部電視只用咗 4 年咋, 好肉赤呀.....

    回覆刪除
  4. 恭喜發財,很熱鬧的年初一,祝一切順利!
    [版主回覆01/29/2012 00:35:30]多謝您呀 !
    呢幾日都係咁樣 , 人來人往呀 !
    我祝您龍年事事如意 , 開開心心 ! 恭喜 , 恭喜 !!

    回覆刪除
  5. 祝您新年快樂~~~ :)
    [版主回覆01/29/2012 00:41:03]恭祝愛麗絲夢想成真, 新年進步 !

    回覆刪除
  6. Pandora 香傭講法文28/1/12 17:23

    龍年大吉^^
    [版主回覆01/29/2012 00:41:50]大吉大利 **

    回覆刪除
  7. 3D TV 我未睇過,哈哈!幾時可以黎你度睇呢?太王。
    [版主回覆01/29/2012 00:51:34]哈哈 ! 點會未睇過呢 ?
    你們龍友嘛 , 梗係成日行百老X , X澤呢啲連鎖店架, 再唔係都會去華X會啦 , 有相機又有TV 及天龍等等...... 我讀得書小, 你唔好欺騙我喎 !<(~.~)>!

    回覆刪除
  8. 太王,我今年也買的水仙,開得合時又好靚,滿屋飄香呀!
    再祝你花開富貴!新春快樂!
    [版主回覆01/29/2012 00:55:11]謝過 kelly , 我今年啲水仙就麻麻啦 , 今日已經開咗十幾朵花啦 !
    祝您及家人快快樂樂過新春, 開開心心迎龍年 ! 恭喜 ! 恭喜 !

    回覆刪除
  9. 太王, 人日快樂, 妳的家, 物資好豐富啊! 一句說話....家肥屋閏...^ _^
    [版主回覆01/29/2012 01:01:03]無錯 ! 現在回覆您時已經是人日啦 !
    祝人人生日快樂 !
    你說得對..... 物資豐富.. 係物品好多咁解囉 , 想找落腳點都幾費神架 , 哈哈 ~_^ o ^_~

    回覆刪除
  10. 太王, 龍年好. 新年時水仙開花, 真的是花開富貴.
    [版主回覆01/29/2012 01:13:36]多謝 Hoho , 水仙花我年年都買開架 , 取其花開富貴嘛 ^^

    回覆刪除
  11. 您好,,
    今天年初七,,是人日,,祝您新年愉快,,幸福快樂,,,^ ^
    我恭祝人人開口笑,,人人有書讀,,人人有工開,,
    人人有錢賺,,人人都健康,,人人都開心,,,哈,哈,,,^_^
    [版主回覆01/29/2012 13:20:02]好多謝 Yu Sir 的到訪及留下祝福 ! 順祝您安康 !!
    十分同意及認同你的意向, 現今太多年青人在中文上用不得其法, 還有繁簡分不清的, 我已記下 Yu Sir 的網址, 待慢慢拜讀閣下大作, 先多謝 Yu Sir 讓愚能增進認識, 謝謝 !

    回覆刪除

最新留言