又係由天氣開始講起
近排氣溫徘徊在十幾度之間
寒冷又間歇大風
只見診所大排長龍
你傷風我感冒之聲響遍每個小區
我們一般但凡頭痛咳嗽喉嚨痛發燒等
流鼻水鼻塞有痰打噴嚏等
都會說患上傷風感冒
但原來傷風感冒係分開嘅 
傷風症狀係流鼻水鼻塞有痰打噴嚏等
感冒症狀係頭痛咳嗽喉嚨痛發燒等表示內裡發炎
我就患上傷風嘞
星期一勁流鼻水和鼻塞
人在外頭有好多事情都未能從心
唯一只有保護自己
身體保暖是為首要
所以頸巾不離身保護喉嚨及頸部
晚上返到家門直奔廚房
即磨薑茸煲黑糖薑茶祛寒
我就煲咗一公升明天當茶水飲
第二日回家就改煲檸檬加綠茶
一個檸檬切片分三至四次沖熱綠茶飲用
增加維他命C増強抵抗力
就係咁
黑糖薑茶 + 熱檸檬綠茶
交替飲用二日
今日我已經無事喇
我嘅兩個寶貝
生薑
檸檬
平時勤啲飲用對身體都好有益架
有些兒童經常無故流鼻血
可煲西洋菜紅蘿蔔馬蹄湯
甚具功效
西洋菜含豐富維他命A , C 和 E
及大量鈣和鐵等
有清熱解毒潤肺化痰功效
又能促進孩童發育健康
牙齒堅固及眼睛明亮
。
。
。
。
這個冬天特別乾燥
應勤些煲滋潤湯水或糖水
潤澤肌膚
西洋菜豬展湯
西洋菜 + 羅漢果半個 + 南北杏 + 豬展
兩小時後完成喇
呢個湯好清甜啲菜好稔我會食晒架
年尾蘿蔔都會又平又甜
最好就整蘿蔔糕
不過這等大制作
我暫時未夠功力
^^
記得小時候
老爹都會經常下廚煮兩味
其中一款拿手小菜就是
蘿蔔炒魚鬆
魚鬆煎得香口
加上蘿蔔清甜
我們兄弟姊妹都食到唔停口
><
今日忍不住都買咗蘿蔔
好想試學吓自己煮
又唔想煎魚鬆
咁就簡單啲蘿蔔炒肉片
半個蘿蔔 + 肉片 + 薑蔥
先將蘿蔔在鑊煮至半熟盛起
爆鑊炒熟肉片再將蘿蔔回鑊兜炒打芡
單係睇賣相都幾好
因我不喜落蠔油
味道都算唔錯
講真話.......
當然係老爹嘅蘿蔔炒魚鬆好味啲啦
火 燭 呀
天氣持續寒冷干燥
每晚都開著暖爐睡覺
昨晚12 點半又按動電制
當時我還正在上網
一排電制就在我腳旁
按制後2秒就聽到 " 吱吱喳喳" 聲
看見電制已經著火
只見火舌有2吋高
大叫 ~~ 著火啦 ) ) ) ) ) )
連忙關掉電制
電制被火燒約20秒後
20秒已經燒到變晒形
塑膠部份燒到穿窿溶化
兩個電制啲塑膠溶了互相黏埋要好大力才可分開
好心寒
如果真係燒起來
火在短時間內有咁強大威力
如果燒我咪好痛
所以各位在這干燥寒冷天氣下
用暖爐或者有關電器電制嘅嘢
一定要份外小心
暖爐或者電制
千萬不能太接近床邊或被舖衣物等
小心 !! 小心 !!
呢條街係邊處呀 ?
睇來呢條街唔係幾干淨喎
太王石板街出埸啦 !!
參考多位網友嘅分享
由決定試整到完成
找材料及自制腰果
花上一星期了
朱古力
棉花糖
葡萄乾
椰絲
牛奶
自制光波腰果
就咁將材料放在一起嘅畫面已經好靚
在溶朱古力時覺得太杰
又想減甜最後加咗牛奶
原本不喜朱古力嘅我
一嘗不能停呢
又在想
過年不再買糖果啦
整腰果
整石板街
用牛油紙包裹就可以喇
冬季天氣寒冷乾燥
一個不慎身體已經發出警號
手指頭腳踭位置都一一爆裂
全身皮膚 " 嚡十十" 
即刻煲個湯調節吓先
皮膚粗加上華髮
看來要下點心思
所以煲湯都要加首烏
花膠黨参北茋首烏湯
黑黑的湯水
全因為一片首烏
又再燒烤啦
今次去咗坪洲玩兩日
下午一到步立即開爐
只係好簡單咁在超市買食物
不過呢日都好凍在燒烤場又好大風
海面吹來冰冷海風 影兩張相已經變雪條
晚餐同好友共進
要咗三個餸
呢個係翠瓜腐竹浸魚肚
記得睇電視飲食節目講過
呢個係水上人家嘅家常餸
唔知有冇人可以確認呢
只有雞蛋冇咸蛋嘅咸蛋蒸肉餅
菜遠炒牛肉 好重酒香味
三碟餸都好大碟 我們四個人食得飽飽的
坪洲生活恬靜
飲吓茶
行吓山
瀟灑遊盪繞一回
話咁快就要離開小島喇
