週日每每大睡至中午
補回六天的不足
我家附近的大集團酒樓
十多年來不思進取
食物水準不進則退
我倆都寧願搭車去遠少少
開心滿足的吃下肚才對得起自己
多數來呢間酒樓食物在水準之上
最鍾意佢嘅自制XO醬
食飽行過去apm商場
我倆慣例約定離開時間
另一半例牌直沖上最高層
睇佢最有興趣嘅新電子產品
我就沒興趣逛商場
呢處間中會有一些表演
唔係一定有大明星
只是一個平台給一些新人
相信係自租場地吧
今日就是兩位年輕人在唱歌
都是唱一些耳熟能詳的金曲
所以能吸引不少聽眾
隨後走咗出去平台花園影下相
盛開的四季海棠 = 嬌艷如小家碧玉
雖然四周被高高的工廈圍繞著
還總好過在商場內被各名牌商舖圍住透不過氣
一個小時就此過去了
歸家休息一會
繼續星期天的下一個節目
