記得小時每年端午節
媽媽必定自己包糭應節
媽媽年紀大再沒精神體力了
三年前情商老媽教我們包端午糭
學過之後兩年沒有練習
今次我要求老媽做我顧問
好等我們姑嫂姊妹們傳承下去
糭葉 99 張 (3扎) 咸水草 1 扎 五香粉適量 瑤柱適量
糯米 5 斤 綠豆 2.5斤 豬腩肉 1.5 斤 咸蛋 25 隻祗要蛋黃
糭葉和咸水草浸洗後烚15分鐘再沖洗及抹乾, 糭葉硬莖修剪去
糯米, 綠豆分開洗淨浸水3小時後隔水
糯米, 綠豆各2湯匙油和2湯匙鹽調勻
豬腩肉加少少油及五香粉調味, 咸蛋黃開半
兩張糭葉摺疊屈成一兜型
順序加入材料, 將尾部屈摺覆蓋起來用咸水草扎實
合三姑嫂姊妹之作
42隻糭山完成
最後有十幾塊糭葉及材料剩餘
第二日再買多一斤糯米半斤綠豆
一個人再包咗 9 隻
整個過程帶給老爸媽不少懷緬及歡笑
不在乎煩瑣的準備功夫及多日來緊張的心情
更是不在乎口腹之慾
合力泡制了一個開心的下午
足願
果然包得好靚，唔差喎；比我會加 D 蝦米落去包。
回覆刪除我都想學點包，不過無人教我！
[版主回覆05/23/2011 17:23:00]多謝讚賞 其實都唔難包啫 !
餡料都好隨意的, 你喜歡加乜都可以架
哈 哈哈!!!!!! 我估仲呢個大Project! 好多料呀!
回覆刪除[版主回覆05/23/2011 22:16:00]
嘻嘻 !! 你咁叻 獎你一隻糭吖 !
哇！太王，咁快就包粽食啦！好靚概手勢呀！
回覆刪除我都會包有甜有鹹的嘉興粽，鹹概係豬肉餡，甜概係紅豆沙，同你包的形狀差不多，稍為瘦長的，似隻枕頭，因此又叫枕頭粽。仲有一款三角粽，純白米的，點沙糖食，或拌埋紅豆或紅棗。無論邊一款粽，自己包概，既有心意又食得健康。哈哈~見到你的靚粽，我想即刻動手包番幾只呢！
[版主回覆05/23/2011 22:25:00]kelly 有甜有鹹的嘉興粽我聽過但未食過呢 ! 咁你都快快動手吧 ! 好想睇下你隻枕頭 .......... 粽
整個過程帶給老爸媽不少懷緬及歡笑
回覆刪除不在乎煩瑣的準備功夫及多日來緊張的心情
更是不在乎口腹之慾
合力泡制了一個開心的下午
足願 最好味呢番說話！
嘩!你好快手咁快有糭食, 我學極都唔識包得好肉酸!
回覆刪除[版主回覆05/23/2011 22:32:00]其實都唔難包嘅 ! 包多幾隻就會把握到啦 或者可以試多兩次吖
包了很多年糭, 很累, 今年想放棄,
回覆刪除不過見你包的太吸引了 , 又心動起來 !
[版主回覆05/24/2011 10:53:00]唏 !! 起來.....心動就行動吧
妳好有心呀
回覆刪除我都係包過一次，因為包糉的預備功夫真的很多，不過，可以一家人一齊合力包糉，大家一齊感受當中的過程，已經好開心
[版主回覆05/24/2011 15:12:00]係架 ! 預備功夫真的很多, 不過我們分工合作每人做啲囉
俾你講中咗啦 大家一齊感受包糭的過程就是我所想嘞
其實我都好想整, 不過只做10隻又好像花功夫, 太多又沒有銷路, 所以打消了這念頭........
回覆刪除[版主回覆05/24/2011 17:49:00]第二日再買多一斤糯米半斤綠豆, 一個人再包咗 9 隻,
咁又唔係幾麻煩啫, 你可以試吓包9-10隻架
記得細個時媽媽包五月糉好大陣丈，幾個星期前媽媽把一小袋一小袋的糯米分俾我地，每人用一隻平底的大搪瓷碟把糯米攤開，把混在裡面的秈米(尖米)揀出，真係要有好大的耐性才可完成，完成後才可以開始包糉。我想現在的糯米可能純度高不用揀米，否則性急的現代人一定不會包糭的了。你用的配料和紥法跟我媽媽做的差不多，我想你媽做的和我媽做的都應該一樣咁好味道。 你介紹得好清楚呀！謝謝！
回覆刪除[版主回覆05/25/2011 11:31:00]以前啲糯米會溝米咩 ? 我媽包糭真係好大陣仗, 真係幾日前已經開始浸綠豆要去綠豆衣最麻煩, 最花時間呢 !
現在有已去衣綠豆賣方便好多啦 !
多謝讚賞
包得好靚喎!
回覆刪除[版主回覆05/26/2011 10:53:00]多謝讚賞
睇落好似好高難度, 不過你又整得好鬼靚
回覆刪除[版主回覆05/27/2011 11:02:00]睇落好似好高難度, 其實唔難架, 只是事前有一點點功夫咋
咁你係唔係都好少食得到呢 ? 咁就送你一隻試味呀 !
包得好靚呀, 有得食就好喇
回覆刪除[版主回覆05/27/2011 17:10:00]唔好意思 五月糭我食先
留番一只俾你啦
我呢邊都有得食既, 不過好多都勁難食
回覆刪除[版主回覆05/28/2011 00:12:00]咁就要自己動手至有好嘢食啦