可能係天秤座嘅關係
每事都要求達到滿意
又或者係在追求
調劑平淡生活的秘方
成功及滿足感
上次自制腸粉還未算成功
經多方搜集資料之後
終於
*
*
" 工欲善其事, 必先利其器 "
一大一細不銹鋼蒸碟
量杯及刀刮
用 2 杯粘米粉 + 6 杯水開成粉槳
水與粉的比例 (水 3 : 1 粉)
再加 1 茶匙麵粉及少少油
先蒸熱蒸碟取出掃油再加粉槳
粉槳要全鋪蓋蒸碟不漏窿
平衡放回鑊蒸三分鐘至熟
要稍稍放涼才可卷起
大的蒸碟可以卷成兩條腸粉
後來玩加杞子
成功卷得 12 條腸粉
急不及待下鑊煎來食
豉油王炒腸粉
XO醬炒腸粉
一次過
成功自制腸粉 -- 成功感
情迷XO醬炒腸粉 -- 滿足感
恭喜哂!終於成功啦!
回覆刪除[版主回覆12/13/2010 15:27:00]多謝 有你的鼓勵及網友無私的分享 !
我才有信心再嘗試 ! 大家共同加油
好叻呀! 你的成功為我們增加自制腸粉的信心和動力 !
回覆刪除大家一起努力 ~
[版主回覆12/13/2010 18:11:00] 多謝 ! 好好玩架 ! 你都試吓 !
好吖! 我試左話你知 !
回覆刪除[版主回覆12/13/2010 21:01:00]相信: Not Found 我知道你煮嘢食嘅經驗及廚藝一定比我好 ! 呢個腸粉對你嚟講很容易啦 唔知你又會怎樣變化呢 ?
支持你！ 令我想起小時候在大牌檔前看別人弄腸粉 ＿
回覆刪除[版主回覆12/13/2010 23:32:00]多謝 jojo 係呀 ! 大家都好懷念大牌檔 看整腸粉啊叔將個大蓋左搬右搬的, 好得意
“功夫不負有心人”，你係得概！煎腸粉好靚！好味道！
回覆刪除[版主回覆12/14/2010 11:56:00]每次飲茶都要食嘅, 所以一定要學整囉 !
跟住就要有些變化, 要加馬碲粉或木薯粉........
睇到我流哂口水~~~
回覆刪除唔得，我又要食，聽日早上我又整腸粉食。。。。不過我嘅方子，會加多啲木薯粉，咁食上嚟會多一種煙韌口感。
[版主回覆12/14/2010 12:00:00]其實仲會有很多變化......
可以整有餸腸粉....如义燒腸, 牛肉腸, 齋腸等........
等著你的新思維發揮
恭喜晒~衹要有恆心，鐵柱也可磨成針，妳得左喇
回覆刪除[版主回覆12/14/2010 12:03:00]多謝鼓勵
不如研究吓整銀針粉呀.....
我做過蝦腸，幾好味架，做好即刻食，連相都唔記得影
回覆刪除見你做得咁靚，我又心郁郁想做…
[版主回覆12/14/2010 23:23:00]咁就快快開工啦 ! 蒸得 3 分鐘, 咁啲蝦會唔會煮得熟架 ?
好嘢, 成功了. 做得好靚呀. 自己做到腸粉, 真的不簡單. 勁!
回覆刪除[版主回覆12/15/2010 17:55:00]你說得對 ! 自己親手整食物真係好開心
腸粉好易整架 !
你整包包用手搓粉會好辛苦架 都係用機幫手好D喇
等我都學吓整先
回覆刪除[版主回覆12/16/2010 00:48:00]快啲 ! 快啲 ! 好想睇你嘅制成品
我係先將蝦灼熟去殼蒸…
回覆刪除[版主回覆12/16/2010 16:55:00]啊 ! IC
等我都整吓蝦腸.....帶子腸.....义燒腸......