我們又再重新出發 !
昨日回家有點肚餓
仲有幾匙班戟粉一於消滅佢
整件班戟再沖杯檸檬綠茶
幾分鐘後已經可以一邊上網一邊歎下午茶點
人生所求莫過於 " 寫意"
一連四日嘅復活節假期開始啦 !
相信你 ! 您 ! 妳 ! 都可能在愉快旅途上 ~~~
大家玩得開心啲啦 !!
我 ! 我 ! 我就無假放嘞
不過星期六,日都會去坪洲玩嘅
世上最偉大是母親已經無異議
我就覺得應該係每日照顧一家人
健康飲食嘅母親最最偉大
她們每日煮餸煮飯給子女食
餸菜嘅配搭及營養要均衡
仲要另一半和小朋友都鍾意
真係少啲心思都唔掂
最近另一半夜歸祗好外賣回家
自己就早少少草草自煮自食咗幾餐
已經感覺到有點困難受到打擊
昨晚稍為可以早點回家
就二話不說出街食
^0^
饒河枱面桂花魚
其實材料好簡單 桂花魚加些配菜豆卜腐竹及菰類 用高湯煮熟便成
蒜茸炒菜芯
鮮肉鍋貼
食飽好滿足
舒舒服服回家了
( 硬係 ! 唔使做 )
瘋狂嘅日子將會過去 ~~~
兩年來 ~~~
瘋瘋地隔日就玩太極
並不是 ~ 晨早起床清新開朗
是好少有的夜晚太極班
因緣際會及時間配合而成就的
狂狂地在外進餐太多了
現在
由下個月開始
好可能暫時不會再去太極班啦
有點兒捨不得師父及一班同學仔
往後嘅日子我都會多些自煮
是一人話事的一人自煮
昨夜家中已經差不多粮响耗盡
還好有少少肥牛和金菇
金菇肥牛米
昨夜無乜胃口
又好晏才食下午茶
摷吓雪櫃見有些薄餅未食
用光波爐試下先
一滴油都無落
睇住件薄餅慢慢漲起及轉白色
無論明火煮食或者用其他爐具 烹飪其實幾有趣
全過程都睇到 已經可以當為節目啦
薄餅可以見到一層層 香脆而不油膩 食得健康啲
做法 : 180度 調較15分鐘 1 分鐘後才放薄餅入爐 不用解涷
每面焗 5 分鐘後 再每面焗 2 分鐘
香脆薄餅一件 前晚雞湯一碗 咁就完成一人自煮嘅一餐
薄餅配雞湯
冬蟲草越來越貴
近年大量培植的蟲草花
[ 又稱金蟲草,蟲草子實體 ]
同樣含有蟲草素
蟲草素對結核桿菌,肺炎球菌
葡萄球菌及鏈球菌有抑制作用
蟲草花能補肝腎,護肝,抗衰老,降血壓,提高免疫力
今日就用蟲草花配冬菇,紅棗,杏仁,元肉,雞煲湯
此湯對健忘,失眠人士亦有益處
對支氣管哮喘,虛勞久咳人士很有幫助
金蟲草冬菇紅棗雞湯
睇咗網誌都一段時間
見網友對烹飪的堅持
對煮食的熱誠
漸漸受到感染
現在在家煮食
都是自小幫媽媽嘅得著
到咗婚後就如盤搬出來
希望可以矇混過去
是時候更新啦
要 up to date 試吓新嘢
金菇肥牛卷
肥牛卷金菇加鹽及胡椒粉光波 8分鐘
第一次咁樣反轉整碗飯
金菇肥牛卷燒得過火了 啲金菇太乾啦
較咗個黑胡椒汁 嘻 ! 都幾好味
呢餐一人自煮都唔錯
金菇肥牛卷飯
還有飯後果
當一個人嘅時候
所有嘢都可以自己話事
就好似昨晚耍完太極
帶備麻繩跳繩練氣
晚餐煮咗
雞扒忌廉汁米線
一件雞脾扒用光波爐煮熟
一罐忌廉湯可以做汁又做忌廉湯
家中無意粉祗得米線
簡單
都唔記得幾時開始嘅
一年一度派湯服務
呢間公司一睇個標誌就知啦
呢幾年我都見他們派湯
受惠對象係60歲以上長者
如有須要還可派送上門
見到公公婆婆領取一袋袋禮物
大家都好開心
不單祗是一碗暖暖的湯水
還有感受到一份關懷
睇下禮物袋內容
除了一壺靚湯外
還有長壽麵一盒
加鈣紙包奶一包
可說照顧周到
有些事情
年覆年
默默地延續
不問利益收穫
仲有一群義工團隊
都是值得尊敬及學習的
)
