第三日
去聽講水準麻麻嘅
位於中心城的凱城酒樓飲茶
星期六無乜人 點心好快上桌
個艇仔粥麻麻哋 爽甜菜心最回味
其他點心唔會讚啦 ~~~ 明白啦 
只有這個應該好味嘅牛腩腸粉 被那格仔形狀的甜醬盡情破壞 
食飽行吓中心城會所 我就去咗聽粵曲 咁啱有人包場操曲喎
晚上去咗宋上羊打邊爐
到咗第四日啦 最後個朝都係要去返海港飲茶
初嚐牛腩瀨粉都幾好
淮山次實咸瘦肉粥好正又有益健康
海港點心有水準
今日返香港啦 最後上車前都要試下個月婆雞飯補一補先
加一碗餐肉蛋麵
有飯有麵又有湯
食飽飽返香港啦 
當行車約二十多分鐘後 到了孫中山故鄉人民歡迎您標誌
出現輕軌中山站
工程正在進行還未開通
當車站通車後
可能雅居樂都會增添專車往返花園呢
到時又多一種交通工具可以選擇
往來時間又可縮短嘞
太王, 是否由雅居樂去九洲港時,見到高鐵中山站?
回覆刪除[版主回覆04/02/2011 23:38:00]唔係 , 係坐直通巴士回港時見到的, " 孫中山故鄉人民歡迎您 " 的標誌是近石岐那邊的 ~~~
呢個咩黎?
回覆刪除[版主回覆04/03/2011 12:53:00]哈哈 ! 你硬係好少飲茶哩 ? 呢個係芋頭糕嘛 !! 煎香嚟食 同蘿蔔糕係兩兄弟, 過年時食品都會有它們的
由香港去雅居樂通常要幾耐架?
回覆刪除[版主回覆04/03/2011 13:12:00]如果由太子車站搭直通巴去約三小時,
如由中港城或港澳碼頭搭船要70分鐘加40分鐘花園專車就到啦
回覆刪除雅居樂的中心城會所，好有規模噃！
[版主回覆04/03/2011 13:03:00]雅居樂數數都有五六個會所, 呢個中心城會所裡有室內外泳池, 羽毛球場,4D影院, 凱城酒樓, 粵曲室等等...但係人流不多呢, 只因周邊是純住宅小區, 人們都往外覓食去了~~~~
凱城食得貴唔貴呀? 牛腩腸粉加甜醬又真係怪怪地!
回覆刪除[版主回覆04/03/2011 13:36:00]凱城價為中等 , 海港最貴又最好食, 以蝦餃為例凱城16元海港19元 ! 牛腩腸粉加甜醬真係比佢激死 !!
凱城酒樓飲茶我去過一次麻麻啦,,,唔想去第二次...
回覆刪除有次想去食中午遲咗少少冇的食了
[版主回覆04/03/2011 18:26:00]我都係咁話 ! 去百樂城喜來軒好過
上次我去飲茶,都想去看看,但時間不合呀!
回覆刪除[版主回覆04/03/2011 18:30:00]乜你都鍾意咩 ? 係呢度操曲好平架 , 3元一分鐘咋, 有時間唱返支曲都幾過隱
請問有冇坐過廣珠輕鐡???最近雅居樂個站好似有翠亨村站~金鼎站!!!唔知雅居樂總車站有冇車接駁輕鐡呢?
回覆刪除[版主回覆04/03/2011 22:46:00]Looking up "广珠轻鐡" 唔好意思咁遲覆你 無錯, 應該更正係廣珠輕鐡 ! 你說的翠亨村站~金鼎站是否輕鐡站 ? 我未坐過廣珠輕鐡, 都唔係咁清楚中山有幾多個站, 又沒有發覺雅居樂車站有車接駁喎 ! 不過廣珠輕鐡對我們香港上去的又好像沒大幫助 !!
太王. 你喜歡聽定唱呀?
回覆刪除[版主回覆04/04/2011 23:47:00]呵呵 ! 鍾意聽就會喜歡唱啦 咁有無機會同你合唱一曲呢 ?
是廣珠輕軌, 中山站應該開通咗了！不過每日得幾班車啫！最遠暫時去到珠海北站, 可以在平安車站乘35路公交到竹林浦轉65路車至珠海北輕軌站, 咁複雜...你哋明點解無人氣啦！
回覆刪除[版主回覆04/06/2011 16:43:00]噢 !! I C 咁麻煩架, 要轉兩次車, 好晒時間喎 !
回覆刪除3元１分鐘好平喎，咁錄音得吾得呀音樂齊吾齊呀？我好怕好似係深谷唱咁，深圳Ｄ平局好多Ｄ錄音吾掂，返嚟會吾想聽。
[版主回覆05/18/2011 00:11:00]就几抵玩: Not Found Hi 乜原本軒軒都喜歡唱下粵曲咩 ? 仲有去深圳操曲呀 ! 那日雅居樂大樂隊都有8個人玩樂器喎, 我在現場聽啲音響都過得去, 但我未試過在這裡唱及錄音, 唔知錄音效果點樣, 算幾抵玩架, 不過無平喉同我合唱呀
唉！平喉難求呀！我初學時，一班同學都係牛奶嘴，你甩幾多撞幾多，我絕不蝕底甩噃幾多撞返幾多，一於有多無小 咁反為開心，但學學吓大家都有要求，變咗你揀人揀你，越來越難找對手，試過谷鬼氣上深圳揾師傅唱，無錯音色腔口靚，接駁位筍位拍子樣樣好過我十倍，但欠感情，每每教一段俾師傅就搬字過紙，不是味兒，味同嚼臘，於是又聽師姐教，找一曲單支唱，起成轉合自己操控，會進一大步，但又發覺無人交流，跟着人仔升，曲社又加價，同師傅唱太貴了，一個人去又無動力，漸漸無埋咪已三四年。可惜你吾係平喉 不過聞說廣州曲社不及深圳，遍遠地方新曲會吾識呢。唱曲吾使一定多音樂，至緊要齊，好ge音樂帶動人去唱，不過耳仔越來越好就返吾到轉頭，聽到Ｄ音樂各有各玩，就頂吾順，未知你對以上有無同感？
回覆刪除[版主回覆05/18/2011 11:55:00]師姐 要叫聲師姐至得啦 !
我玩得好皮毛架咋, 埋咪經驗很少呢 ! 已經疏於練習啦 !
無疑深圳係會緊貼啲, 在音樂方面還可以選擇樂社, 但找他們合唱就會與我們的唱法有分別, 就係你所講嘅欠感情囉, 始終兩地教學同運聲及發聲位置都有所不同, 雖然唱到轟轟聲但就是不是味兒, 玩音樂方面內地係比香港師傅出色, 但又係不能溶合似的........
千祈吾好咁叫吖，我資質有限，學得好皮毛咋，如果想D音樂溶合揾Ｄ中上樂社係OK，我以前跟過一個師傅，佢都係上深圳錄完俾學生，去梗一間兩三次就可以就到D香港人啦
回覆刪除[版主回覆05/18/2011 16:22:00]未學過就唔知, 學咗就知粵曲藝之高深廣博, 浸淫二三十年都只懂皮毛咋, 所以雛鳳們都未敢造次呢, 尤其是師傅還在時 ~~~
多謝你分享呀!
回覆刪除[版主回覆03/31/2012 00:28:28]歡迎你及好高興你的到訪 !